A alcaldesa, Lara Méndez, abordou na Comisión de Tráfico celebrada este venres a reorganización integral da mobilidade no casco histórico para acadar novos itinerarios e accesos máis eficientes e, polo tanto, que permitan reducir os niveis de contaminación nunha zona que abrangue os tres Patrimonios da Humanidade e incrementar a sostibilidade, dentro do novo modelo de cidade impulsado pola rexedora. “Todo isto mantendo un equilibrio coas necesidades dos residentes e dos establecementos da zona”, indicou.

Neste senso, Méndez apuntou que “esta reorganización obedece á nova realidade e necesidades da cidade e da veciñanza, pois o modelo actual databa do ano 2001. Os cambios responden a tres premisas: reducir o tempo nos desprazamentos, acoutar as distancias e incrementar a comodidade tanto dos conductores como dos viandantes, ao tempo que evitamos os percorridos por zonas conflictivas (polo volume de peóns) e por zonas emblemáticas e turísticas (como a Praza Maior)”.

A alcaldesa explicou que estes cambios se aplicarán unha vez que finalice a colocación das novas cámaras de acceso a través da lectura de matrículas e comece a funcionar o sistema, pero de inicio se aplicarán durante un período de proba, “que nos permitirá estudar o comportamento dos usuarios e a fluidez da circulación, de xeito que poidamos emendar ou mellorar calquera cuestión que se considere conveniente”.

O novo sistema de acceso implicará a substitución dos bolardos retráctiles actuais por cámaras de lectura das matrículas, que tamén incorporarán de maneira automática o expediente sancionador de quen incumpre para evitar a picaresca actual.

Os permisos de accesos manteranse como até agora cos residentes, preto de 3.000 existen na actualidade, así como cos vehículos de carga e descarga e os permisos especiais. O Concello estudará todas as diferentes casuísticas para darlles resposta.

Novas zonas do casco histórico

Coa reorganización abordada por Lara Méndez, o centro histórico de Lugo pasará a dividirse en 5 zonas, en lugar das 8 establecidas ata o momento, coas súas correspondentes zonas e horarios de carga e descarga. Estes quedarían de 7.00 a 11.00 horas e de 15.30 a 17.30 horas (antes eran de 8.00 a 12.00 horas e de 15.00 a 17.00 horas), co obxectivo de que as rúas queden liberadas de camións nas horas de maior tránsito peonil.

Respecto ás zonas de carga e descargas, mantense as actuais, pero se engaden dúas máis: Lois Peña Novo e Rúa Nova, a carón da zona axardiñada do Museo.

Estas son as seguintes:

ZONA 1

• Ámbito: Rúas da Raíña, Progreso, Xoan Montes, San Pedro, Nóreas e Carril dos Carteiros
• Acceso: Rúa Progreso
• Saída: Rúa Progreso
• Carga e descarga: Zona Nóreas, Nóreas - San Pedro, Xóan Montes - Raíña e Progreso - Nóreas
• Horario Carga e Descarga: 7.00 -11.00 h. e 15.30 -17.30 h.

ZONA 2

• Ámbito: Rúa San Froilán, Rúa Nova (tramo Porta Nova - R/ Montevideo) e Amor Meilán
• Acceso: Rúa San Froilán/Quiroga Ballesteros
• Saída: Rúa San Froilán/Rúa Quiroga Ballesteros/Rúa Nova
• Carga e descarga: Zona San Froilán - Quiroga Ballesteros, San Froilán - Rúa Nova e Rúa Nova - Amor Meilán
• Horario Carga e Descarga: 7.00 -11.00 h. e 15.30 -17.30 h.

ZONA 3

• Ámbito: Rúa Bispo Aguirre, Praza Maior, Praza de Anxo Fernández Gómez, Praza e Rúa Campo Castelo, Praza Pío XII, Rúa Cregos, Rúa Catedral, Praza Fernando Casas Novoa, Praza de Santa María, Bispo Basulto, Rúa da Cruz
• Acceso: Rúa Vilalba-Tramo peonil Ronda e Porta de Santiago
• Saída: Rúa Vilalba-Tramo peonil Ronda e Porta do Campo Castelo
• Carga e descarga: Zona Fernando Casas Novoa, Praza e Rúa Campo Castelo, Praza de Pío XII
• Horario Carga e Descarga: 7.00 -11.00 h. e 15.30 -17.30 h.

ZONA 4

• Ámbito: Rúa Tinería, ámbito Porta Miñá, Rúa do Miño, Rinconada do Miño, Rúa Nova, Praza do Campo, Praza e Rúa da Soidade, Carril dos Fornos, Rúa María Balteira, Rúa do Moucho, e Rúa Falcón
• Acceso: Porta Miñá (María Balteira por R/ Montevideo)
• Saída: Porta Miñá/Rúa Montevideo
• Carga e descarga: Rúa Nova (zona Museo e zona Praza Soidade), Zona Tinería (Rúa Tinería e Rinconada do Miño), zona Praza do Campo
• Horario Carga e Descarga: 7.00 -11.00 h. e 15.30 -17.30 h.

ZONA 5

• Ámbito: Rúa Quiroga Ballesteros (Tramo Bolaño Rivadeneira - Praza de Santo Domingo), Fondo da Praza de Santo Domingo, Praza de Antón Fraguas, Praza da Soidade, Carril do Mercado, Carril do Son, Tuñas Bouzón, Rúa Doutor Castro, Rúa Conde Pallares, Praza Armañá, Rúa Lois Peña Novo, Rúa San Marcos,
• Canella da Deputación e Carril dos Romanos
• Acceso: Praza de Santo Domingo, Praza do Ferrol (San Marcos e anexas) e Rúa Quiroga Ballesteros (residentes no tramo entre Bolaño Rivadeneira e Carril do Son)
• Saída: Praza de Santo Domingo, Praza do Ferrol (San Marcos e anexas) e Rúa Quiroga Ballesteros (residentes no tramo entre Bolaño Rivadeneira e Carril do Son)
• Carga e descarga: Praza de Santo Domingo, Rúa Lois Peña Novo, Praza Armañá (dúas zonas: Tramo próximo de Rúa Armañá cara a Praza do Campo e zona oposta a Lois Peña Novo na Praza de Armañá)
• Horario Carga e Descarga: 7.00 -11.00 h. e 15.30 -17.30 h.

Máis info

• Control "Accesos Casco Histórico" - (Planos) | Descargar pdf