A Concelleira de Benestar Social, Igualdade e Inclusión, Ana González Abelleira, participou no acto de clausura do I Congreso Internacional Migración e Refuxio en Europa, que tivo lugar este venres no Salón de Actos da Facultade de Humanidades. A edil resaltou “a necesidade de acadar un alto grado de coordinación entre as distintas administracións para paliar, na medida do posible, este grave problema, todo elo sen esquecer o importante papel que desempeñan as ONG´s”.

Na clausura tamén participaron as presidentas do comité organizador por parte da UNED, María Pilar Quicios, e por parte da USC, María Dolores Fernández, o Vicerreitor de Coordinación da USC, Javier Bueno, e a Xefa Territorial de Cultura, Carmen Gueimunde.