A área de Medio Ambiente instalou once novas cabinas sanitarias en distintos puntos da cidade, sete delas, todas as que se atopaban dispoñibles no mercado, adaptadas a persoas con mobilidade reducida.

“Trátase de colaborar tanto coas e cos traballadores que se ven na obriga de manter a súa actividade a pé de rúa, como poden ser os efectivos dos corpos e forzas de seguridade, os operarios da limpeza urbana, repartidores de paquetería, taxistas, etc…, como tamén para ofrecer un servizo a toda a cidadanía que, polas excepcións permitidas, teñen que saír dos seus domicilios”, indicou Álvaro Santos.

As instalacións adquiridas agora súmanse, así, á decena de aseos que o Concello mantiña habilitados, con carácter continuado, noutros puntos da capital, ademais do autolimpable ubicado no Parque Rosalía de Castro e cos que se pretende dar cobertura ao maior número de zonas posible.

O concelleiro sinalou tamén que “estas 11 cabinas permanecerán dispoñibles, alomenos, até o 30 de abril deste ano e serán aseadas e desinfectadas, tanto interior como exteriormente, dúas veces ao día cunha unidade móbil que fará unha limpeza con vapor, chorro a presión e reposición de tódolos materiais que contén como auga, xabón, papel hixiénico e mesmo ambientador”.

Santos Ramos fixo tamén un chamamento á veciñanza para o uso responsable destas dotacións, “xa que, mantelas en bo estado será a mellor colaboración posible con aquelas persoas que precisan deste servizo cando, cada día, tentan axudarnos a superar esta situación de crise sanitaria. Cando as empreguemos debemos lembrar que temos que deixala como nos gustaría atopala a nós”, concluíu o responsable de Medio Ambiente.

A continuación achégase unha relación coa situación das cabinas, tanto as fixas, como as que se veñen de incorporar.

BAÑO PÚBLICO AUTOLIMPABLE PARQUE ROSALÍA DE CASTRO (Fixo)

CABINAS SANITARIAS SERVIZOS ESENCIAIS (Nova instalación)

CABINAS PARQUES E XARDÍNS (Fixas)

Audio

• O edil Álvaro Santos, sobre as 11 novas cabinas sanitarias| Descargar mp3