Controis de alcoholemia

• Ás 21:45 horas do día 30 de decembro un equipo de Atestados da Policía Local de Lugo desprázase á rúa Quiroga xa que se produciu un accidente de circulación no que estaban implicados dous vehículos. Os axentes comproban que o accidente se produce cando un turismo estaba detido no carril da circulación e unha motocicleta pásalle polo lado esquerdo entrando en contacto co espello retrovisor.

Ambos os condutores son sometidos ás probas de alcoholemia, lanzando o condutor da motocicleta un resultado POSITIVO de 0,48 mg/l, polo que se abre expediente sancionador con multa de 500 euros e a retirada de 4 puntos do permiso de condución. Así mesmo compróbase como dita motocicleta circulaba coa ITV desfavorable polo que incoa expediente con multa de 200 euros. O vehículo foi inmobilizado.

• Ás 3:20 horas do día 31 de decembro unha patrulla do Grupo Operativo Nocturno da Policía Local de Lugo detecta a circulación irregular dun vehículo por carril dos Loureiros con rúa Vilalba, observando que o condutor presenta signos de embriaguez, sendo sometido ás probas de detección alcohólica e lanzando un resultado POSITIVO de 0,93 mg/l (case catro veces máis do permitido), instruíndose dilixencias por delito contra a seguridade viaria na modalidade de Xuízo Rápido e inmobilizando o vehículo.
• Ás 4:10 horas do mesmo día, nun filtro establecido na Praza Fonte dos Ranchos, detéctase ao condutor dun vehículo que presenta signos de inxerir bebidas alcohólicas, sendo sometido ás probas de alcoholemia e lanzando un resultado POSITIVO de 0,61 mg/l, polo que se abre expediente sancionador con multa de 1.000 euros e a retirada de 6 puntos do permiso de condución. Así mesmo compróbase, a través do aplicativo policial, que este condutor carece de permiso en vigor polo que se instrúen dilixencias por un delito contra a seguridade viaria na modalidade de Xuízo Rápido, inmobilizando o vehículo que conducía.

Auxilio á cidadanía

• Ás 16:00 horas do día 30 de decembro unha patrulla da Unidade Territorial de Policía de Barrio da Policía Local de Lugo é comisionada pola Sala do 092 para que acuda á Avenida da Coruña xa que ao parecer había unha persoa tirada na beirarrúa. Os axentes achan a unha muller de 63 anos sentada na beirarrúa, presentando feridas na cara, manifestando que sufrira un mareo e caera, sendo auxiliada e requirindo unha ambulancia do 061 na que foi trasladada ao HULA para a súa atención facultativa.
•  Sobre as 00:20 horas do día 31 de decembro unha patrulla do Grupo Operativo Nocturno da Policía Local de Lugo detecta na rúa Lamas de Prado unha persoa caída na beirarrúa. Trátase dun home de 51 anos que presenta unha forte intoxicación etílica polo que se lle practican os primeiros auxilios, requirindo a presenza dunha ambulancia do 061, sendo trasladado ao HULA para a súa atención médica.
• Ás 9:40 horas do día 31 de decembro unha patrulla da Unidade Territorial de Policía de Barrio trasládase a un edificio da rúa da Raíña xa que no interior dunha vivenda caera unha persoa de avanzada idade e non podía levantarse. Os axentes comproban que se trata dunha señora de 96 anos que proceden a incorporala, sen que sufrise lesión algunha e rexeitando asistencia médica.
• A mesma mañá unha patrulla acode á rúa Cornubia xa que unha persoa caera na beirarrúa, comprobando que se trataba dunha señora de 75 anos que se acha consciente e incapaz de articular palabra, posiblemente como consecuencia dun caso neurolóxico. Os axentes proceden a practicarlle os primeiros auxilios, requirindo a presenza dunha ambulancia do 061 que traslada a esta persoa a un centro médico.
• Ás 22:00 horas do día 1 de xaneiro unha patrulla do Grupo Operativo Nocturno da Policía Local de Lugo é comisionada pola Sala do 092 para que acuda a un inmoble da rúa Santo Graal xa que os amigos dunha persoa que alí reside manifestan que hai días que non saben nada del, estando preocupados que lle pasase algo grave. Os axentes comparecen inmediatamente no devandito lugar logrando, a través da porta, falar co morador, o cal lles informa que está no chan caído e que non pode levantarse, solicitando a presenza dunha ambulancia e accedendo ao interior, comprobando que un home de 68 anos áchase tirado no corredor da vivenda, totalmente espido, indicando que leva desde o mediodía sen comer nin beber e que caera ao sentir debilidade nas pernas e como un mareo, sendo auxiliado e trasladado ao HULA por unha ambulancia do 061.
• Ás 3:20 horas do día 2 de xaneiro unha patrulla do Grupo Operativo Nocturno é comisionada pola Sala do 092 para que se traslade á rúa Rof Codina xa que ao parecer atópase unha moza que tras a inxesta dalgún medicamento atopábase indisposta. Os axentes ao chegar ao lugar comproban que a moza de 18 anos está a ser atendida por unha dotación do 061, explicando que sentiu mal cando ía acompañada por dous amigos e que inicialmente rexeitaba asistencia facultativa, sendo convencida para que fose trasladada a un centro médico para a súa completa revisión.

Ruídos en interior de vivenda

• Ás 3:40 horas do día 31 de decembro unha patrulla do Grupo Operativo Nocturno da Policía Local de Lugo é comisionada pola Sala do 092 para que se traslade a un edificio da rúa Bispo Ona de Chave xa que os veciños quéixanse dos ruídos que proveñen dunha vivenda. Os axentes comproban que se trata de música e voces en ton alto, audibles desde a mesma rúa, sendo identificado o responsable, ao que se lle require que cesen as molestias, o que fai ao instante, levantando acta de denuncia por infracción á Ordenanza de Protección Ambiental.

A madrugada do 31 de decembro o 1 de xaneiro de 2022 patrullas do Grupo Operativo Nocturno da Policía Local de Lugo interviñeron en vivendas das seguintes rúas con motivo de celebración de festas particulares, cesando as molestias ante a presenza dos axentes:

• Juana Ibarborou
• Rúa Montirón (en dúas ocasións no mesmo domicilio)
• Santo Graal
• Serra de Ancares
• Rolda das Mercedes
• Trapero Pardo
• Poeta Cabanillas
• San Roque

Seguridade Cidadá

Levántase acta de denuncia por infracción á Lei de Seguridade Cidadá contra un home de 30 anos por desobediencia a axentes da autoridade ao interromper o labor dos axentes nunha intervención policial. Proponse sanción de 601 a 10.400 euros.

Control medidas Covid

Levántanse 6 actas de denuncia por infracción á Lei de Saúde de Galicia ao sorprender a outras tantas persoas camiñando pola vía pública sen facer uso da máscara de protección obrigatoria. As vías onde foron detectadas estas infraccións son: Praza Maior (2), Rolda Fontiñas, San Roque, Doutor Balanza e Avenida de Magoi.