Accidente de circulación e delito contra a seguridade viaria

Sobre as 3:00 horas do día 3 de agosto un equipo de Atestados da Policía Local de Lugo e dúas patrullas do Grupo Operativo Nocturno do Corpo desprázanse á Avenida de As Fontiñas nº 83 xa que se producira un accidente de circulación no que un vehículo se despraza da súa traxectoria, chocando contra unha terraza dun local de hostalaría, desprazándose 30 metros, danando a continuación 7 colectores de recollida de residuos urbanos, 2 bolardos e varias mesas e cadeiras da terraza.

O condutor ausentouse de lugar pero é localizado inmediatamente por unha patrulla que procede á súa identificación, observando que presenta signos de acharse baixo os efectos de bebidas alcohólicas, sendo sometido ás probas de alcoholemia, arroxando un resultado POSITIVO de 0,73 mg/l, polo que se instrúen dilixencias por delito contra a seguridade viaria na modalidade de Xuízo Rápido.

Devandito condutor ademais foi denunciado por presentar un permiso de conducir estranxeiro non susceptible de troco, mostrando aos axentes un ‘permiso internacional de fantasía’, sendo intervido para a súa posterior remisión á Autoridade competente para a súa análise e investigación.

O condutor manifestou aos axentes que perdera o control do vehículo cando se lle cruzou repentinamente un can ou un gato. (Adxúntanse imaxes).

Condutas incívicas

Unha patrulla camuflada do Grupo Operativo Nocturno da Policía Local de Lugo detectou na rúa Mariña Española a dous homes ouriñando na vía pública, polo que foron denunciados por infracción á Lei de Residuos de Galicia, propóndose sanción de até 900 euros.

Así mesmo, ambos foron propostos para sanción por unha infracción á Lei de Seguridade Cidadá por falta de respecto e consideración aos axentes, sendo remitidas á Subdelegación do Goberno.