Intervención con Animais
Efectivos da Unidade Territorial de Policía de Barrio da Policía Local de Lugo, realizaron as seguintes intervencións relacionadas con animais:
Identifícase o propietario dun can e levántase acta de denuncia por infracción á Lei de Protección e Benestar dos animais de compañía, por encerralo no interior dun vehículo durante polo menos seis horas, na noite do pasado 1 de marzo, na rúa Pintor Villamil.
Identifícase o propietario dun animal e levántase acta de denuncia por infracción á Lei de Protección dos dereitos e o benestar animal, por non adoptar as medidas necesarias para evitar que ocasione molestias ás persoas, tras recibir numerosas chamadas dos veciños da rúa Villisqueiras polos ladridos do can, impedindo conciliar o soño.
Identifícase o propietario duns cabalos que circulaban libremente pola Avenida Benigno Rivera, levantando actas de denuncia por infracción á normativa de seguridade viaria, así como por non cumprir a obrigación de identificación dos animais xa que carecían de microchip. Os cabalos foron conducidos a unha leira adxacente onde se fixo cargo deles o seu propietario.
Filtros de seguridade viaria
No día de onte por efectivos da Policía Local de Lugo realizáronse diversos filtros de seguridade viaria, co seguinte balance:
Dous condutores interceptados con signos de embriaguez, en rolda dás Fontiñas e San Roque, sendo sometidos ás probas de detección alcohólica, lanzando un resultado POSITIVO de 0,30 e 0,34 mg/l., respectivamente, sendo sancionados con multa de 500 euros e a retirada de 4 puntos do permiso de condución, inmobilizando os vehículos.
Nove denuncias a outros tantos condutores por non presentar o vehículo a ITV no prazo debido.
Un titular de vehículo denunciado por circular CARECENDO de SOA. Procedeuse á a súa retirada para o Depósito Municipal onde queda inmobilizado.
Un condutor denunciado por conducir con permiso estranxeiro non susceptible de troco.