Inspección establecementos públicos

Na madrugada do día 12 de abril, axentes do Grupo Operativo Nocturno da Policía Local de Lugo estableceron un dispositivo especial para o control do cumprimento da normativa de espectáculos públicos, detectándose que TRES locais de lecer nocturno do centro histórico exercían a actividade coas portas abertas, transmitindo altos niveis de ruído ao exterior, polo que se levanta acta de denuncia por infracción á normativa reguladora de espectáculos públicos e actividades recreativas.

Presunta manipulación de rede eléctrica

Na mañá de onte unha patrulla da Unidade Territorial de Policía de Barrio da Policía Local de Lugo, é comisionada pola sala do 092 para que se traslade á rúa Escocia, xa que ao parecer os residentes dun inmoble estaban a manipular cables da rede eléctrica situados na rúa.

 Os axentes comproban que a liña de abastecemento de enerxía á vivenda fora manipulada, posto que o cable que une a caixa de acometida co contador fora cortado, unindo directamente a mencionada caixa co cadro onde se sitúan os térmicos de seguridade, evitando o paso da enerxía polo contador, motivo polo cal se procede á identificación de dúas dos residentes da casa, iniciándose o correspondente atestado para a súa posterior remisión á Autoridade Xudicial. (foto)

Auxilio a cidadán

A noite do día 11 de abril unha patrulla do Grupo Operativo Nocturno da Policía Local de Lugo é comisionada pola Sala do 092 para que se traslade a unha rúa da zona sur da cidade, xa que unha persoa de avanzada idade caeuse no interior do seu domicilio e non podía poñerse en pé para abrir a porta.

Os axentes requiren a presenza dunha dotación de Bombeiros, accedendo ao interior por unha das xanelas, sendo asistida esta persoa por unha dotación do 061, trasladándoa ao HULA para a súa atención médica, informando á familia.