Filtros de seguridade viaria. ALCOHOLEMIAS
Efectivos do Grupo Operativo Nocturno da Policía Local de Lugo, co apoio dun equipo de Atestados do Corpo, intensificaron os controis de alcoholemia en vías do centro urbano, detectando un condutor na rúa Vázquez Seijas que lanzou un resultado POSITIVO de 0,35 mg/l, abríndose expediente sancionador con multa de 500 euros e a retirada de 4 puntos do permiso de condución.
Na Rolda da Muralla, nun control estático, detectouse un condutor que presentaba signos de embriaguez, sendo sometido ás probas de detección alcohólica lanzando un resultado POSITIVO de 0,63 mg/l, abríndose expediente sancionador con multa de 1.000 euros e a retirada de 6 puntos do permiso de condución.
No mesmo punto detéctase un vehículo cuxa condutora presenta un permiso de condución caducado e o vehículo non fora presentado a ITV no prazo debido, sendo sometido ás probas de drogas, co emprego dun equipo “drogotest”, lanzando un resultado POSITIVO en THC e AMP, abríndose expediente sancionador con multa de 1.000 euros e a retirada de 6 puntos do permiso de condución.
En todos estes casos procedeuse á inmobilización dos vehículos.
Accidente de circulación e alcoholemia
Sobre as 3 horas do día 13 de xullo/22 un equipo de Atestados da Policía Local de Lugo desprázase á Avenida de Madrid xa que se produciu un accidente de circulación, no que un vehículo sáese da calzada e invade a glorieta, circulando sobre ela, levándose por diante dous sinais verticais, desprazándose posteriormente cara ao lado dereito e golpeando outros dous sinais de circulación, observando os axentes que o condutor presentaba signos de inxerir bebidas alcohólicas, sendo sometido ás probas de alcoholemia, lanzando un resultado POSITIVO de 0,38 mg/l, instruíndose as correspondentes dilixencias. (Envíase fotografía)
Inspección establecemento de lecer nocturno
Na madrugada do día 13 de xullo efectivos do Grupo Operativo Nocturno da Policía Local de Lugo realizaron inspección nun local de lecer nocturno da rúa Galicia, levantándose actas de denuncia polas seguintes infraccións á normativa de espectáculos públicos e actividades recreativas:
- Superar o aforo establecido na licenza municipal.
- Exercer a actividade coas portas abertas.
- Quebrantar o horario de peche establecido por normativa autonómica.
Auxilio a cidadáns
Sobre as 19,45 horas do día 11 de xullo unha patrulla da Unidade Territorial de Policía de Barrio da Policía Local de Lugo é comisionada pola Sala do 092 para que se traslade á parada de autobús da Avenida da Coruña coa rúa Ramiro Rueda xa que o condutor dun autobús urbano solicitaba a nosa presenza para atender a unha muller de avanzada idade que se achaba desorientada.
Os axentes comproban que se trata dunha muller de 86 anos que se atopa mareada, sufocada e desorientada, debido á onda de calor, xa que levaba posto un xersei de pescozo alto, sendo auxiliada polos axentes que a acougaron e ao atoparse mellor rexeitou asistencia médica, polo que é acompañada en todo momento polos policías no propio autobús ata a parada próxima á súa casa e desde alí acompañárona ata o seu domicilio onde comprobaron que se achaba xa recuperada.