Precinto de vehículo

Ás 1’25 horas da noite do luns ao martes, cando realizan patrulla preventiva pola rúa Otero Pedrayo, os axentes do Grupo Operativo Nocturno localizan un vehículo estacionado sobre o que recae orde de precinto da Tesourería Xeral da Seguridade Social, polo que proceden ao seu traslado ao depósito, onde permanecerá precintado ata recibir orde en contrario da autoridade de referencia.

Discusión entre empregados

Ás 22’50 horas do luns, un indicativo do Grupo Operativo Nocturno foi comisionado nun establecemento hostaleiro da cidade, xa que, segundo información telefónica, estaba a producirse unha forte discusión no seu interior. Unha vez no lugar, os axentes comproban que se atopa presente un vixiante de seguridade, o cal ten a situación controlada, recibindo a versión de ambas as partes, empregados do local, manifestando ambos ser empuxados polo outro e discutir con motivo do cumprimento dos deberes laborais, pero sen chegar a máis, polo que foron informados dos pasos para seguir para a presentación dalgún tipo de denuncia.

Auxilio a persoa en vía pública

Ás 00’45 horas, un indicativo policial é comisionado na rúa Luís Seoane, desde onde un viandante informa dunha persoa indisposta no interior dun portal. Unha vez no lugar, os axentes comproban que se trata dunha muller, de 47 anos de idade, que manifesta atoparse ben pero moi cansa e non ter onde durmir. Por devandito motivo, os axentes ofrécenlle a posibilidade de pernoitar no albergue municipal, ao que a muller accede, sendo trasladada ao mesmo.

Requirimento por molestias por música

Ás 00’10 horas, os axentes trasládanse a un edificio da Praza Matías García Bernal, desde onde se recibiron queixas polo volume da música procedente dun dos pisos. Unha vez no lugar, os axentes comproban que a música se pode escoitar desde o portal, polo que contactan coa moradora do piso en cuestión, que baixa o volume de forma inmediata.

Condutora que achega datos falsos

Ás 11’30 horas do luns, un indicativo da Unidade Territorial de Policía de Barrio observa a presenza dunha condutora que non fai uso do cinto de seguridade regulamentario, polo que proceden a deter a súa marcha e requirirlle identificación. A condutora manifesta non portar documentos e achega os seus datos verbalmente, os cales non ofrecen fiabilidade aos axentes, que proceden ao seu traslado a dependencias policiais para a súa filiación completa e correcta, comprobando que os datos que achegara eran falsos, motivo polo cal, ademais de ser denunciada por non facer uso do cinto, tamén o foi por unha infracción á Lei de Seguridade Cidadá, por achegar datos falsos ante o requirimento dos axentes da autoridade.

Filtros de seguridade viaria

Durante a noite do luns ao martes, os axentes do Grupo Operativo Nocturno, levaron a cabo controles de velocidade na cidade, procedendo ao control de 152 vehículos, dos cales 10 foron denunciados por exceder o límite de velocidade establecido.