Ruídos en interior de vivenda

Por parte do Grupo Operativo Nocturno de Policía Local, intervense nunha vivenda da rúa Camiño Real onde, procedente dun piso, escóitase música moi alta e voces de persoas que alteran o normal descanso do resto do edificio facendo imposible o descanso.

Que despois de escoitar desde a vivenda da persoa requirente, os axentes diríxense ao piso de onde proceden as anomalías, poñéndose á fala cos moradores e solicitando o cesamento do ruído, ao cal acceden de maneira rápida.

Discusión en interior de vivenda

Que o mesmo Grupo Operativo, intervén nunha discusión moi acalorada na rúa dos Gardas, onde un home e unha muller, que non son parella leva discutindo acaloradamente e con lanzamento de obxectos, segundo os veciños, durante un longo tempo, sendo escoitada polos axentes.

Que postos á fala cos moradores do devandito piso, trátase dunha muller que acolleu a un home no seu domicilio xa que non tiña onde quedar, e que non houbo ningún tipo de agresión por ningunha das partes, só unha discusión.

Escape de gas en interior de vivenda

Acódese á rúa Dona Urraca por un forte cheiro a gas no interior da vivenda, colaborando tamén unha dotación de bombeiros, os cales, despois de revisar toda a mesma e non observar ningunha fuga, chegaron á conclusión de que se puido tratar dunha mala colocación da carapucha da botella de butano, motivo polo cal se produciu o cheiro a gas.

Vertedura de produto líquido esvaradío en vía pública

O Grupo Operativo de Policía de Barrio intervén na zona da rúa Bernardino Pardo Ouro confluencia coa glorieta de Carballo Calero, toda vez , que se observa unha mancha na calzada, a cal se atopa moi esvaradía. Comparecen dúas dotacións de bombeiros para proceder á limpeza da zona co fin de evitar riscos á circulación de vehículos, e á vez téntase pescudar de que tipo de vertedura se trata.

Negativa a facilitar follas de reclamación a un cliente

Acódese a un bar sito na Rolda da Muralla, tendo en conta que unha persoa solicita as follas de reclamacións e non é atendida na súa petición por parte do encargado do local de hostalería. Unha vez, se media entre ambos, facilítanse os datos e axúdaselles a cubrir as mesmas, deixando unha copia para cada unha das partes. Devandito local foi denunciado pola comisión de varias infraccións á Lei de normativa reguladora de espectáculos públicos.