Detención por violencia no ámbito familiar
Sobre as 21,00 horas do día 24 de marzo/22 unha patrulla da Unidade Territorial de Policía de Barrio da Policía Local de Lugo é comisionada pola Sala do 092 para que acuda a un inmoble da rúa Caiñós, onde ao parecer unha moza fora agredida polo seu pai.
Os axentes atopan sentada na rúa a unha moza de 22 anos chorando, que lles manifesta que ao chegar a casa, onde vive cos seus pais, tras inxerir bebidas alcohólicas, o seu pai recriminouna este feito e propinoulle varias patadas e golpes na cara, solicitando os policías unha ambulancia do 061 para a debida atención á vítima.
Ante esta situación os axentes soben ao domicilio localizando ao presunto agresor procedendo á súa detención por un delito de violencia no ámbito familiar, sendo trasladado a dependencias policiais onde se instrúen dilixencias para o Xulgado correspondente.
Inspección de locais de lecer nocturno
Continuado co dispositivo activado para a inspección de locais de hostalería e lecer nocturno, unha patrulla do Grupo Operativo Nocturno da Policía Local de Lugo levantou acta de denuncia por infracción á normativa reguladora de espectáculos públicos e actividades recreativas ao detectar un local da rúa Xosé Castiñeira, pertencente ao Grupo I e que por tanto non pode ter equipo de reprodutor de música, que tiña instalado, sen contar coa expresa autorización administrativa, un computador portátil conectado a un amplificador, situados nun pequeno almacén detrás da barra, emitindo música a través duns altofalantes situados nas esquinas do local. (Foto).
Ruídos en interior de vivenda
Sobre as 4,10 horas unha patrulla do Grupo Operativo Nocturno da Policía Local de Lugo é comisionada pola Sala do 092 para que se traslade a un edificio da rúa Río Lor xa que os veciños quéixanse dos ruídos que proveñen dunha vivenda que lles imposibilita o descanso.
Os axentes comproban que se escoita ruídos de música en ton alto e de actividade humana, polo que chaman repetidamente á porta da vivenda de onde proceden as molestias, xa que inicialmente ninguén abría, conseguindo que abra o responsable ao que se lle require para que cese inmediatamente a actividade, solicitándo a súa documentación persoal para levantar acta de denuncia, o cal se nega, sendo advertido da súa obrigación e das graves consecuencias que iso carrexa, de persistir na súa actitude, sendo finalmente identificado, levantándose acta de denuncia por infracción á Ordenanza de Protección Ambiental e dúas actas máis de denuncia por infraccións á Lei de Seguridade Cidadá. A primeira por desobediencia aos axentes da autoridade, sendo proposto para sanción de ata 10.400 euros, e a segunda por falta de respecto aos axentes da autoridade, con proposta de sanción de ata 600 euros.
Identificación por danos
Sobre as 18,00 horas do día 24 de marzo/22 unha patrulla da Unidade Territorial de Policía de Barrio da Policía Local de Lugo acode a un inmoble da Calzada de As Gándaras xa que ao parecer unha persoa achábase golpeando a porta de entrada do edificio.
Os axentes observan que unha moza de 31 anos está a dar patadas á parte inferior da porta de entrada, manifestando que chamou a un piso para falar cun coñecido e non lle abre a porta, comprobando que fracturara o panel inferior da mesma, queixándose da dor nunha perna, pero rexeitando asistencia médica.
Os axentes identifican o responsable da comunidade, levantando parte de intervención á espera da presentación da correspondente denuncia.
Agresión en vía pública
Ás 1,45 horas do día 25 de marzo/22 unha patrulla do Grupo Operativo Nocturno da Policía Local de Lugo é comisionada pola Sala do 092 para que se traslade a cálea Catedral xa que ao parecer había unha pelexa na vía pública.
Os axentes observan a unha moza de 18 anos sentada na rúa cunha ferida na cabeza, manifestando que momentos antes unha muller, que non coñece de nada, agredíraa cunha botella, presentando unha brecha pola que sangraba.
A agredida indica aos axentes as características da presunta agresora, sendo localizada no interior dun local de cálea Catedral, sendo recoñecida pola agredida, manifestando que “a empuxaba e ela defendeuse”, procedendo á identificación de ambas, levantando parte de intervención á espera que se presenten as denuncias oportunas, reclamando a presenza dunha ambulancia para o traslado da ferida ao HULA.