Controis de alcoholemia

Durante a madrugada do día 31 de marzo, efectivos do Grupo Operativo Nocturno da Policía Local de Lugo estableceron diversos filtros de seguridade viaria para o control do cumprimento da normativa de tráfico e seguridade viaria, lanzando o seguinte balance:

• Rúa Vázquez Seijas. Detección dun vehículo cuxo condutor presenta signos de embriaguez, sendo sometido ás probas de detección alcohólica, lanzando un resultado POSITIVO de 0,61 mg/l.
• En Camiño Real sorpréndese a un vehículo que circula de forma irregular, observando que o seu condutor presenta signos de inxesta de alcol, sendo sometido ás probas de alcoholemia, lanzando un resultado POSITIVO de 0,53 mg/l.

A estes dous condutores abríuselles expediente sancionador con multa de 1.000 euros e a retirada de 6 puntos do permiso de condución, inmobilizando os vehículos.

• Na Avenida de Madrid dáse o alto a un vehículo cuxo condutor é sometido ás probas de alcoholemia, lanzando un resultado POSITIVO de 0,33 mg/l.
• Na rúa Rafael de Vega detéctase a circulación irregular dun vehículo, sendo sometido o seu condutor ás probas de detección alcohólica, lanzando un resultado POSITIVO de 0,49 mg/l.
• En Camiño Real dáse o alto a un vehículo, sendo sometido o seu condutor ás probas de alcoholemia, lanzando un resultado POSITIVO de 0,34 mg/l.

A estes tres condutores abríuselles expediente sancionador con multa de 500 euros e a retirada de 4 puntos do permiso de condución, inmobilizando os vehículos.

Delito contra a seguridade viaria

Nun control estático establecido en Camiño Real detectouse a circulación dun vehículo cuxo condutor se achaba baixo a influencia de bebidas alcohólicas, sendo sometido ás probas regulamentarias, lanzando un resultado POSITIVO de 0,76 mg/l, instruíndose dilixencias por delito contra a seguridade viaria na modalidade de Xuízo Rápido, inmobilizando o vehículo.

Axuda humanitaria

• Ás 4:45 horas unha patrulla do Grupo Operativo Nocturno da Policía Local de Lugo desprázase a un edificio da rúa dos Gardas xa que ao parecer unha persoa de avanzada idade caera da cama e non podía incorporarse. Os axentes atopan a esta persoa tirada no chan do dormitorio, sendo auxiliada, incorporándoa, deitándoa na cama novamente, sen que se producira lesión visible e rexeitando asistencia médica.
• Ás 5:40 horas outra patrulla acode á rúa República Arxentina xa que ao parecer un mozo quedara atrapado en metade dunha matogueira chea de silvas. A patrulla preséntase de inmediato e observan como o mozo fai sinais aos axentes movendo a lanterna do móbil, xa que a zona é de moi difícil acceso, con moita vexetación. Un dos axentes penétrase nas matogueiras e libera ao rapaz, de 21 anos, rescatándoo, momento no que manifesta que accedera pola parte superior desa zona, ata que chegou un momento no que non foi capaz de atopar a saída, xa que se viu rodeado de maleza, rexeitando asistencia médica xa que dixo atopábase ben, finalizando así a intervención. (Adxúntase imaxe)