Empezarase pola sinalización vertical e logo a horizontal. A medida, que engloba distintos beneficios, o aumento da seguridade, unha mellora da calidade ambiental e un tráfico rodado máis pacífico, será efectiva esta mesma semana
Con esta medida o Goberno quere restar espazo aos vehículos para darllo ás persoas, esas que sempre pon no principio e fin das súas accións políticas. Cúmprese ademais un acordo plenario
O Concello comezará a sinalizar mañá luns a Ronda da Muralla a 30 kilómetros por hora e prioridade ciclista no carril dereito, para impulsar a mobilidade inclusiva pola que aposta a Alcaldesa de Lugo, Lara Méndez. Empezarase pola sinalización vertical e logo acometerase a horizontal, implantando novas marcas viais no pavimento lembrando aos condutores a obriga de circular cunha limitación a 30 Km/g ou inferior, outorgándolle máis protagonismo ás bicicletas. Así mesmo, adaptaranse os dous radares existentes á nova velocidae.
A medida, que engloba distintos beneficios, o aumento da seguridade, coa conseguinte prevención de accidentes e atropelos, unha mellora da calidade ambiental, un tráfico rodado máis pacífico, e aumentar os espazos para as persoas, será efectiva esta mesma semana.
Con esta media, o Concello quere restar espazo aos vehículos para darllo á persoas, esas que sempre pon o Goberno no principio e fin das súas accións políticas, cumprindo ademais un acordo plenario. Con esta iniciativa, que anunciara a propia Alcaldesa, trátase tamén de normalizar a velocidade a 30 km/h, e plantexar esta acción como unha norma de mobilidade inclusiva e convivencia modal, entre bicicleta e vehículo, ademais de buscar un modelo de cidade sostible. Ademais, esta reforma responde ás necesidades e ao interese de converter a Lugo nunha cidade sostible, nas que se invirten prioridades, primeiro o peón, despois o ciclista, o transporte público e por último os automóbiles.
Esta é unha ordenación da circulación que non exclúe a necesidade a medio ou longo prazo da materialización dun carril bici ou senda ciclabe, pero que ao mesmo tempo pretende aumentar o número de ciclistas con normalidade, sen necesidade de carril bici, co obxectivo de crear unha convivencia total nas vías.