A Casa da Xuventude pecha esta semana o prazo de inscrición das actividades de ingles B1 e B2 así como de lindy hop e vintage jazz, incluídas na programación que organizou o Concello para a mocidade activa para este primeiro semestre nestas instalacións municipais. Trátase pois de proporcionarlle aos mozos e mozas distintas alternativas de lecer ata o mes de xuño, xa sexa de tipo deportivo, educativo ou de habilidades.

Concretamente, hoxe luns remata o prazo de inglés (que se celebrará martes e xoves, de 19:30 a 21:00 horas -o B1-; e os sábdos de 10:30 a 13:30 horas, o B2, ambos os dous dende esta mesma semana) e o mércores 6 de febreiro o de lindy hop e vintage jazz, cun horario de 19:00 a 20:30 todos os xoves, dende o 7 de febreiro. Pola súa banda, o venres 8 será o último día para anotarse na ruta a Pena Guímara, viaxe que se desenvolverá o sábado 9 de febreiro.

Todas os mozos e mozas interesados en participar en calquera destas actividades ou das que quedan para este semestre, poden inscribirse nas propias instalacións da Casa da Xuventude. O prazo de inscrición, que é distinto para cada actividade, pode consultarse en www.lugo.gal, no 010, ou na propia Casa da Xuventude.

Así mesmo, quedan prazas libres para o Obradoiro de monólogos, que retrasa o seu inicio de hoxe á vindeira semana, ampliándose o prazo de anotación ata este vernes.

Outras actividades da programación

O Concello mantén aberta a inscrición para as seguintes actividades:

• Amiguruimis, luns de 19:00 a 21:00 horas, do 18 de febreiro ao 27 de maio
• Monitor de tempo libre, todos os fins de semana do 1 de marzo ao 18 de maio
• Creación web con wordpress, de 18:30 a 21:30 horas, os días 5, 6, 7, 11, 12, 13 e 14 de marzo
• Elaboración de pan e empanadas, luns de 19:00 a 21:00 horas, os días 18, 25 e 26 de marzo, 1, 8, 15, 16 e 22 de abril
• Creación de conservas caseiras, luns de 17:00 a 19 horas, do 1 de abril ao 13 de maio
• Coñece e educa a túa mascota, de 18:30 a 21:00 horas, do 25 de abril ao 16 de maio
• Cociñando coma os romanos, luns de 19:00 a 21:00 horas, do 29 de abril ao 3 de xuño
• Capoeira e interpretación ante a cámara, de 18:00 a 20:00 horas, o primeiro e terceiro venres de cada mes (capoeira) e o segundo e cuarto de cada mes, interpretación
• Banco de idiomas, todos os sábados de 10:00 a 12:00 horas

Ademais, este xoves 7 de febreiro, comezarán as sesións de nutrición baixo o nome Somos o que comemos, que terán lugar o primeiro e terceiro xoves de cada mes, de febreiro a xuño. Neste mes tratarase sobre mitos alimentarios. O horario é de 20:00 a 21:00 horas e hai 25 prazas para cada xornada.

Audio

• Basadre, sobre a Casa da Xuventude | Descargar mp3