O concelleiro de Xuventude, Mauricio Repetto, destaca que con esta formación quere iniciarse aos mozos e mozas nun actividade que emerxe con forza no mercado laboral.
A actividade, terá lugar todos os xoves, venres e sábados, do 19 de maio ao 30 de xuño. A inscrición poderá realizarse a través da web lugomasxti.org.
O Goberno da alcaldesa de Lugo, Lara Méndez, a través do Servizo de Prevención de Drogodependencias e outras adiccións da área de Xuventude, que dirixe o edil o Mauricio Repetto, organiza un curso gratuíto de piloto de drons, que disporá de 75 prazas, dirixido a lucenses de 16 a 30 anos empadroados no municipio.
O obxectivo da iniciativa, que se enmarca no programa ‘+Xti’, subvencionada polo Plan Nacional sobre Drogas, é ofrecerlle á mocidade unha oportunidade de formación “nunha actividade que está a emerxer con forza con moitas saídas en diversos sectores do mercado laboral”, sostén o concelleiro, que indica que “é unha primeira toma de contacto totalmente práctica”.
O alumnado, que non necesita ter coñecementos previos para participar neste curso, estará en todo momento de monitores profesionais do sector.
A actividade dura 2 horas, en horario de 16.00 a 18.00 horas ou de 18.00 a 20.00 horas, os xoves e venres, e os sábados de 10.30 a 12.30 ou de 12.30 a 14.30. Os interesados poden inscribirse de maneira individual ou en parella, xa que cada hora atenderase exclusivamente a 2 persoas para asegurar a atención merecida e a oportunidade de participación dos asistentes.
As prácticas realizaranse nunha pista con permiso para voar con drons, situada en Lugo. O monitor encargado da actividade contactará previamente con todos os rexistrados para aclarar calquera dúbida relacionada coa ubicación.
As inscricións abriranse o vindeiro 9 de maio, e deberán realizarse través da web: www.lugomasxti.org . Finalizarán os venres anteriores ao comezo da actividade semanal:
- Dende o 09 de maio ata o 13 de maio para os interesados/as nos días 19-20-21 de maio
- Dende o 09 de maio ata o 20 de maio para os interesados/as nos días 26-27-28 de maio
- Dende o 09 de maio ata o 27 de maio para os interesados/as nos días 02-03-04 de xuño
- Dende o 09 de maio ata o 03 de xuño para os interesados/as nos días 09-10-11 de xuño
- Dende o 09 de maio ata o 10 de xuño para os interesados/as nos días 16-17-18 de xuño
- Dende o 09 de maio ata o 17 de xuño para os interesados/as nos días 23-24-25 de xuño
- Dende o 09 de maio ata o 24 de xuño para os interesados/as no día 30 de xuño