Este xoves, 31 de xaneiro, remata o prazo para as actividades de cociña de culler, obradoiro de monólogos, pilates, zumba, hipopresivos, ioga e risoterapia. Estes plans están incluídos na programación da Casa da Xuventude para este primeiro semestre do ano, que arrincará o vindeiro, luns, 4 de febreiro. Son, polo tanto, as primeiras alternativas que lle proporciona o Goberno aos mozos e mozas para o seu lecer en arrincar; pero ata o 29 de xuño, o Concello ofrecerá máis actividades, ben sexan de tipo deportivo, educativo ou de habilidades.

Todas as persoas interesadas en participar en calquera destas actividades ou das que quedan para este semestre, poden inscribirse nas propias instalacións da Casa da Xuventude. O prazo de inscrición, que é distinto para cada actividade, pode consultarse en www.lugo.gal, no 010, ou na propia Casa da Xuventude.

As actividades para as que remata o prazo este xoves son as seguintes:

• Na lareira-cociña de culler, que se celebrará os luns de 19:00 a 21:00 horas, do 4 de febreiro ao 11 de marzo
• Pilates, luns de 20:00 a 21:00 horas, do 4 de febreiro ao 27 de maio
• Zumba, mércores de 19.30 a 30:30 horas, do 6 de febreiro ao 5 de maio
• Hipopresivos, xoves de 18:00 a 19:00 horas, do 7 de febreiro ao 6 de xuño
• Ioga, mércores de 20:30 a 21:30 horas, do 6 de febreiro ao 5 de xuño
• Risoterapia, mércores de 19:30 a 20:30 horas, do 6 de febreiro ao 5 de xuño
• Obradoiro de monólogos, luns de 17:00 a 19:00 horas, do 4 de febreiro ao 8 de abril

O resto de programación contempla as seguintes alternativas:

• Elaboración de pan e empanadas, luns de 19:00 a 21:00 horas, os días 18, 25 e 26 de marzo, 1, 8, 15, 16 e 22 de abril
• Cociñando coma os romanos, luns de 19:00 a 21:00 horas, do 29 de abril ao 3 de xuño
• Creación de conservas caseiras, luns de 17:00 a 19 horas, do 1 de abril ao 13 de maio
• Coñece e educa a túa mascota, de 18:30 a 21:00 horas, do 25 de abril ao 16 de maio
• Inglés B2, sábados de 10:30 a 13:30 horas do 9 de febreiro ao 1 de xaneiro
• Inglés B1, martes e xoves de 19:30 a 21:00 horas, do 5 de febreiro ao 30 de maio
• Banco de idiomas, todos os sábados de 10:00 a 12:00 horas
• Lindy hop e vintage jazz, xoves de 19:00 a 20:30 horas, do 7 de febreiro ao 6 de xuño
• Amiguruimis, luns de 19:00 a 21:00 horas, do 18 de febreiro ao 27 de maio
• Monitor de tempo libre, todos os fins de semana do 1 de marzo ao 18 de maio
• Creación web con wordpress, de 18:30 a 21:30 horas, os días 5, 6, 7, 11, 12, 13 e 14 de marzo
• Capoeira e interpretación ante a cámara, de 18:00 a 20:00 horas, o primeiro e terceiro venres de cada mes (capoeira) e o segundo e cuarto de cada mes, interpretación

Somos o que comemos

A vindeira semana tamén comezarán as sesións de nutrición baixo o nome Somos o que comemos, que se celebrarán o primeiro e terceiro xoves de cada mes, de febreiro a xuño. En febreiro tratarase sobre mitos alimentarios, en marzo sobre os superalimentos, en abril sobre o etiquetado nutricional, en maio sobre as dietas, e en xuño sobre alimentación diabéticos e celíacos. O horario é de 20:00 a 21:00 horas e hai 25 prazas para cada xornada.

Rutas

Os plans tamén inclúen 6 rutas, que arrincan a vindeira semana, concretamente cunha viaxe a Pena Guímara o 9 de febreiro. Tamén haberá rutas á Ribeira Sacra, o 23 de febreiro, ao Courel o 30 de marzo, a Valle de las Tejadas o 14 de abril, á Edreira (Serra de Queixa) o 11 de maio, e á Seimeira de Vilagosende o 29 de xuño. 

Audio

• Basadre, sobre as actividades | Descargar mp3