A Concelleira de Cultura, Turismo, Xuventude e Promoción da Lingua, Carmen Basadre, e o Director Xerente de Begasa, Luis García Santalla, asinaron este mércores no Salón de Plenos un convenio de colaboración polo que a compañía Viesgo Infraestructuras Energéticas S.L. aporta a cantidade de 20.000 euros para o patrocinio de espectáculos dos festexos do San Froilán 2015.

Froito deste acordo, o Concello renomeará ao escenario principal situado na Praza Horta do Seminario onde actuarán grupos locais, nacionais e internacionais como Escenario VIESGO e a compañía instalará unha carpa temática localizada no lateral do Concello para a realización de actividades de difusión, dirixidas principalmente aos máis cativos.