A rexedora de Lugo, Lara Méndez, acompañada pola edil de Gobernanza, Paula Alvarellos, efectivizaba esta mañá a toma de posesión de doce Xefas e un Xefe de grupo e negociado de diferentes servizos municipais.

O acto, celebrado no Salón de Plenos, culmina así o procedemento levado a cabo polo Executivo local para tratar de fornecer a estrutura do persoal municipal, dimensionando axeitadamente os recursos humanos cos que conta cada departamento.

A alcaldesa aproveitou para felicitar ás e a ao novo Xefe de grupo polos seus nomeamentos, agradecéndolles o labor realizado ata a data nos postos que viñan desempeñando, ao tempo que subliñou a “importancia de avanzar na cobertura destas prazas, de maior rango xerárquico, que redundará nunha mellora da capacidade organizativa, tanto do traballo como dos efectivos de cada sección, e que contribuirán, en definitiva, a optimizar a atención cidadá e a xestión pública”, subliñou Lara Méndez.