O edil Jorge Bustos participou este mércores na presentación do evento, no que participarán máis de 200 deportistas de 25 clubes das catro provincias galegas.
- Tema
O concelleiro de Deportes, Jorge Bustos, participou este mércores na presentación dos Campionatos Galegos de Loitas Olimpicas que terán lugar en Lugo este sábado, 17 de febreiro. O Pazo Provincial dos Deportes, será a sede dos torneos, que serán selectivos para participar nos campionatos de España das diferentes modalidades:
- Cto. Galego U13 e U17 de Loitas Olímpicas: 10:45 a 13:30 horas.
- Cto. Galego de Sambo: de 16:45 a 20:00 horas.
- Cto. Galego de Grappling e Gi: de 16:45 a 20:00 horas.
A Competición terá lugar en 4 tapices oficiais de Loita, para atender aos máis de 200 deportistas que tomarán parte neste evento.
“É a primeira vez que Lugo acolle un evento de este nivel e características, coorganizado entre a Federación Galega de Loitas Olímpicas e o Club de Loita Lugo”, explicou o edil, quen explicou que “a competición será retransmitida en streaming, a través da plataforma Zenytsports, co que abriremos o evento e a cidade de Lugo aos afeccionados a estas tres disciplinas”.
O Colexio Galego de Árbitros, dirixirá a competición. Este colexio, destaca a nivel nacional pola cantidade de árbitros que ascenderon a nivel nacional e polo número de mulleres involucradas no arbitraxe: Galicia está sendo un referente nacional na xestión do arbitraxe.
Participarán un total de 25 clubes que representarán as 4 provincias Galegas. “Os maiores talentos Galegos, daranse cita en Lugo o sábado 17 de Febreiro”, concluíu Bustos.