O vindeiro mércores, 20 de maio, remata o prazo para inscribirse aqueles comerciantes e hostaleiros que queiran participar no I Concurso de Escaparates Arde Lvcvs 2015. O lugar de inscrición é na Concellería de Xuventude situada no Centro de Convivencia Uxío Novoneyra.

Neste concurso premiarase aos escaparates mellor decorados e integrados na festa e os participantes recibirán un distintivo de “Escaparate de concurso” para identificar o seu establecemento ademais de incluírse na web do Arde Lvcvs e deberán exhibir os seus escaparates como mínimo entre o 8 e o 21 de xuño, coincidindo co Arde Lvcvs e día no que se fará a entrega dos premios.

Este I Concurso de Escaparates terá tres premios: un primeiro de 600 euros, promoción publicitaria e nomeamento como Civis Honoris do Arde Lvcvs 2015; un segundo de 300 euros e promoción publicitaria e un terceiro de 200 euros e promoción publicitaria.

Ademais organízanse cursos gratuítos para todos aqueles comerciantes ou hostaleiros, que poidan estar interesados en adquirir coñecementos sobre escaparatismo e elementos a usar nas decoracións de ambientación de época romana. Participar nos cursos non implica participar no concurso que se celebrará posteriormente, do 8 ao 21 de xuño.

O próximo curso celebrase no Salón de Actos do C.C. Uxío Novoneyra (Quiroga Ballesteros s/n.) o venres 15 de maio de 20.30 a 22.30 dirixido a comercios e o 21 de maio de 11 a 13 dirixidos a establecementos de hostalaría.