O Concello de Lugo organiza dous novos cursos gratuítos, enmarcados no programa +Xtí de prevención no consumo de drogas, dirixido a mozos e mozas entre os 18 e os 35 anos. Trátase dos cursos de manexo de carretillas elevadoras e de iniciación a piloto de drones, que terán lugar no Centro de Formación do Transporte (en Garabolos) e no aeródromo de Rozas, os días 3, 4 e 11 de xuño e o 18 de xuño, respectivamente.

A entidade local organiza estes talleres para ofrecerlle unha alternativa distinta aos rapaces para que empreguen o seu tempo de lecer na aprendizaxe de habilidades sociais, ao tempo que se relacionan con outros mozos e mozas da súa idade.

Todos os interesados poden inscribirse chamando ao Servizo de Atención Cidadá 010, entre o 13 e o 17 de maio para o de carretillas, e entre o 13 e o 10 de xuño para o de drones. Cada curso dispón de 15 prazas, que se cubrirán por estrita orde de chamada.