A través da páxina https://www.lugocapitaldacultura.com/ as persoas interesadas poderán atopar información actualizada das actividades e eventos desta cita transfronteiriza.
O Auditorio Gustavo Freire acollerá o vindeiro xoves, a partir das 19:30 horas, o evento inaugural cos concertos de Abraham Cupeiro e a Orquestra Filarmónica de Braga.
Lugo, Capital da Cultura do Eixo Atlántico, estrea nova web: https://www.lugocapitaldacultura.com/ A través desta páxina, os cidadáns e cidadás poderán atopar información actualizada sobre as actividades e eventos que acollerá o municipio, de febreiro a novembro, con motivo desta cita transfronteiriza.
A programación contempla máis de 30 programas diferentes durante este 2023 e máis dun centenar de actividades referentes a todas as disciplinas culturais e artísticas, e en todas elas se mesturará o talento lucense, do resto de Galicia e do norte de Portugal. Así mesmo, inclúe actividades de nova creación, xunto con outras xa consolidadas na cidade como o Arde Lvcvs, o San Froilán ou o Caudal Fest.
Nesta páxina tamén se atopa dispoñible información sobre os grandes eventos que se celebran na cidade; os seus tres Patrimonios da Humanidade; os museos e centros culturais de Lugo; así como información sobre outros lugares de interese no municipio e diferentes rutas de sendeirismo.
Evento inaugural
O Auditorio Gustavo Freire acollerá o vindeiro xoves, 23 de febreiro, a partir das 19:30 horas, o evento inaugural da séptima edición da Capital da Cultura do Eixo Atlántico cos concertos do lucense Abraham Cupeiro e a Orquestra Filarmónica de Braga.