A Concelleira de Benestar Social, Igualdade e Xuventude, Carmen Basadre, a Deputada Provincial, Regina Polin, e a a Presidenta da Asociación de Autónomas, Nora Real, presentaron esta mañá a primeira edición do Street Market ou mercado na rúa que se celebra na cidade. Trátase dunha feira na que o comercio da cidade sairá ás rúas coa súa mercadoría con descontos entre o 50 e 80%.

Así, Carmen Basadre, destacou que esta iniciativa “servira para impulsar o comercio xa que a xente achegarase a Lugo para mercar nos establecementos da cidade onde se ofrecen ademais de calidade unha boa atención.” Por outra parte, Nora Real manifestou que “con esta iniciativa gañamos todos, por un lado os comerciantes que dan saída as súas mercadorías e, por outro lado, o consumidor que atopará oportunidades exclusivas”.

Nesta iniciativa participan preto de 50 establecementos de diversa índole que ofrecerán importantes descontos aos que se acheguen, así terán oportunidade de adquirir téxtil, complementos, zapatos, lencería, ou xoias. Os establecementos situados a maioría no centro histórico da cidade identificaranse por unha mesa laranxa na entrada do local e estarán abertos durante todo o día.