O Concello de Lugo decretará desde mañá dous días de luto oficial con motivo do falecemento do concelleiro da Corporación municipal, Manuel López Fernández. Así mesmo, durante ese tempo, a bandeira do Concello de Lugo ondeará a media hasta e non se realizarán actos oficiais como manifestación do pesar da Cidade pola repetina morte do edil do PP.

A alcaldesa de Lugo, Lara Méndez, trasladou a súa tristeza polo acontecido e a do equipo de Goberno á familia e aos amigos do concelleiro, así como aos seus compañeiros do PP, destacando a gran dedicación de Manuel López durante todos os anos de traballo como servidor público, e agradecendo o seu talante sempre respectuoso e propositivo.