A Concellería de Educación e Infraestruturas Urbanas, que dirixe Manuel Núñez, retirou a simboloxía franquista existente no Colexio Manuel Mallo Mallo de Nadela, unha placa situada na fachada do edificio. O Goberno local cumpre deste xeito cun acordo adoptado polo Pleno da Corporación municipal e avanza no seu “compromiso co cumprimento da Lei de Memoria Histórica, unha norma que cumpre este ano o seu décimo aniversario e que significou unha contribución definitiva á devolución da dignidade aos represaliados polo franquismo e para promover a reconciliación e consolidar a democracia”, subliñou Manuel Núñez. Un fito neste eido, impulsado polo Concello, foi a rehabilitación do Vello Cárcere, un espazo de represión e sufrimento convertido hoxe nun lugar aberto, de homenaxe e recuperación da memoria histórica dos alí presos e condenados a morte, simplemente polas súas ideas.

A retirada da placa do colexio Manuel Mallo súmase á solicitudes que xirou o Concello a outras administracións para que procedan á eliminación de símbolos franquistas de diversos edificios da cidade.